(१) आयोगले आफ्नो कार्य सम्पादनको लागि
आवश्यकता अनुसार समिति वा कार्यदल गठन गर्न सक्नेछ ।
(२) उपदफा (१) बमोजिम गठित समिति वा कार्यदलको काम, कर्तव्य र अधिकार
तथा त्यस्तो समिति वा कार्यदलका सदस्यहरूले पाउने सुविधा आयोगले तोके बमोजिम
हुनेछ ।
(३) उपदफा (१) बमोजिमको समिति वा कार्यदलले आयोगद्वारा तोकिएको कार्य
सम्पन्न गरेपछि आयोग समक्ष आफुले सम्पादन गरेको कामको प्रतिवेदन बुझाउनु पर्नेछ ।
(४) आयोगलाई उपयुक्त लागेमा उपदफा (१) बमोजिमको समिति वा कार्यदल
जुनसुकै बखत विघटन गर्न सक्नेछ ।